हलदूणवी मुक्तिका

हलदूणवी मुक्तिका 

नवीन हलदूणवी

*

वसुआस्सां दा पाणी चुट्टी ,
जुड़नीं के प्यारे दी घुट्टी l

वेफ़ैदा फणसोइयै अप्पू ,
कुनींह् भला ऐ वाज्जी लुट्टी l

थ्होंग भला के चैन-तसल्ली ,
दूए उप्पर चिक्कड़ सुट्टी l

सिरैं पैरिया प्यूंद फल़ा दे ,
होण लगी असली दी छुट्टी l

मिल्लणसारी अज्ज गुआच्ची ,
वेकदरां नैं पाई जुट्टी l

देसद्रोहियां दिक्खी करियै ,
निन्द भगत दी गेई टुट्टी l

दुनियां करै 'नवीन' तरक्की ,
कुसदी भाइयो किस्मत फुट्टी ll

नवीन हलदूणवी
०९४१८८४६७७३