घूंघर छम छम छम छम बाजै।
रसन पटांगण रमे चारणी, सबद बीण कर साजै।।
सरस्वती वंदना-1
दोहा
स्वरदे! वरदे! शारदे, भरदे उर मँह भाव।
पर दे लय औ छंद रा, मन -खग कवित उछाव।। १
वाणी वीणापाणिनी, पुस्तकपाणी मात।
धवल कमल शुभ आसनी, आखर दे अवदात।। २
फटिक माल गल़ फूटरी, गिरा गौर शुभगात।
रीझ बसौ बालक रसन, हंसवाहिनी मात।। ३
गण मात्रा वल़ वरण लय, यति जुत छंद सरोज।
समपूं चरणां शारदा, राजी राखण रोज।। ४
नमो मात कमलासनी, वीणा पुस्तक घार।
धवल वसन, बसियो रसन, कीजो मां उपकार।। ५
धवलांबरधरनी नमन, धवल कमल आसन्न।
धवल स्फटिक माला पहन, बसियै गिरा रसन्न।। ६
वरदानी वाणी नमन, वीणापाणी मात।
नवल शब्द नव भाव दे, नरपत को अवदात।। ७
कविता नवलख हार शुभ, जडियल भाव जडाव।
धवलांबर धारण करो, कंठ करै घण चाव।। ८
देवौ आखर दान, भाव दिरावौ भारती।
नरपत सुत नादान, मांगै इतरो मावडी।। ९
आखर दानी आप, भाव उपानी भव्यतम।
महर करो मां-बाप, वीण पाण वागीसरी।। १०
शुभ उकती दे शारदा, काव्य कथन मय भाव।
अरजी नरपत री सुणों, दिल री वड दरियाव।। ११
भाव दिरावौ भव्यतम, शुभ आखर रे साथ।
शबद सुमन खारिज न ह्वै, मांगूं इतरो मात।। १२
माल़ा मोतीदाम री, कर धर कागद-कंज।
गिरा ज्ञान दाता सदा, मेटौ मन रा रंज।। १३
रोमकंद अर रेणकी, तणी बीण कर लेय।
बैठी मां वागीसरी, अनहद आणंद देय।। १४
मनहर, मत्तगयंद गति, गीत सोहणो गात।
सुरसत वंदन आप नें, मनसुध हे! जगमात।। १५
छंद - चंचरीक
धवलासन -कमल- धार, विमला, पट -धवल-वार,हाटकमय फटिक- हार, गल़ बिच सोहै।
मरकत- मणि- मुकुट माथ, पुस्तक- कर, माल हाथ,सुर नर मुनि गात गाथ, वंदत तोहै।
मन रे बैठर मराल, नितप्रत करती निहाल,बरसावै हेत व्हाल, कंबुज पाणी।
सुर लय यति छंद साज, कविता शुभ दियण काज,रसना रहियो विराज, वरदा वाणी।। १
सुंदर झंकृत सितार, बाजत पुनि बार बार,अद्भुत घ्वनि ह्वैअपार, आंगण थांरे।
नरतन तत थै तथा न, सा रे गा साम गान,धिधिकट धत धत धितान, सुर लय वारे।
किन्नर सुर यक्ष नाग, रिषि मुनि जतिराज राग,स्तवन करत जाग जाग, पंडित ज्ञानी।
सुर लय यति छंद साज, कविता शुभ दियण काज,रसना रहियो विराज, वरदा वाणी।। २
तोटक, दोधक, गयंद, अमृत ध्वनि त्रिकुटबंध,उल्लाला रोमकंद, मनहर, गाथा।
पद्य, गद्य, अर, प्रबंध, नाटक, चम्पू, निबंध,गीत, गज़ल, मुक्त, छंद, सब री दाता।
पिंगल करणी प्रबीन, डिंगल डक नाद दीन,नित प्रत समपौ नवीन, उकति कल्यांणी।
सुर लय यति छंद साज, कविता शुभ दियण काज,रसना रहियो विराज, वरदा वाणी।। ३
कमले!कर कमल बीन, शुभ्र कमल पर आसीन,नयन कमल शुभ नवीन, देखो देवी।
नरपत राखौ नजीक, चरण कमल चंचरीक,ठौड आप चहूं ठीक, शुधचित सेवी।
कमलजतनया सुगेह, रसन-कमल करो थेह,मन सुध अरजी थनें ह, पुस्तक पाणी।
सुर लय यति छंद साज, कविता शुभ दियण काज,रसना रहियो विराज, वरदा वाणी।। ४
मां म्हूं मतिमंद मूढ, आखर भाखर त्रिकूट,कविता पथ गहन गूढ, चलणौ दोरो।
लय यति गति ना विधान, नव-रस, नव-छंद ज्ञाननरपत नटखट नादान, बाल़क थोंरो।
नवरस री आप नूर, दगधाक्षर करो दूर,ममतामयि मां जरूर, स्वरदा राणी।
सुर लय यति छंद साज, कविता शुभ दियण काज,रसना रहियो विराज, वरदा वाणी।। ५
सोहत शिणगार सार, उपमा रूपक अपार,उत्प्रेक्षा कंठ हार, विध विध रूपी।
अनुपम अनुप्रास खास, हिय जिण सुण ह्वै हुलास,मन री मेटत उदास, अमरत कूंपी।
वयण सगाई विशेष, विध विध परिवेश वेश,शुभ तन सोहत हमेश, घवला राणी।
सुर लय यति छंद साज, कविता शुभ दियण काज,रसना रहियो विराज, वरदा वाणी।। ६
नीलम छबि श्याम रंग, देखत हिव ह्वै उमंग,घट में कविता प्रसंग, अनहद जागे।
वालमीक वेद व्यास, कविशेखर कालिदास,रसना नित रमत रास, रीझी रागे।
दीजो शुचि उकति दान, शारद मां सामगान,वरदे नवरस निधान, जग तौ जाणी।
सुर लय यति छंद साज, कविता शुभ दियण काज,रसना रहियो विराज, वरदा वाणी।। ७
अमला विमला अनूप, ध्यावूं कर दीप धूप,जय जय जोती सरूप, दस दिस देखी।
उतपति थिति प्रलय आप, प्रकृति रचना कलाप,वपु वपु बस आप व्याप, लोचन लेखी।
गहन तिमिर घन समान, काटौ करूणानिधान,दो जन मन ज्ञान दान, बाल़क जांणी।
सुर लय यति छंद साज, कविता शुभ दियण काज,रसना रहियो विराज, वरदा वाणी।। ८
कलश छप्पय
वरदे वीणापाणि, शारदे सुंदर स्वर दे।
भरदे मन में भाव, कल्पना खग नें पर दे।
करदे मां कमनीय, छंद, गति, लय आखर दे।
हर दे मन रौ मैल, हटा तम के घन परदे।
नित नरपत नित प्रत तौ जपै, गिरा, शारदा, भारती।
शुभ उकति कथ्य भाषा सरल, दीजो शुभ चित, शुचि मति।।
©नरपत वैतालिक
सरस्वती आवाहन -3
दोहा
कर्ण फूल धर कमल रा, कमल विमल शुभ हार।
कमल कमल मन पद्मजा, विमल भाव विस्तार।।१
ह्रदय-कमल-मम-चाखड़ी, चरण कमल तव चारु।
जननी धारण कर गिरा, धूल पाँव दूं झारु।।२
विमला, वीणा-वादिनी, मान मात मनुहार।
झंकृत कर दे जोगणी, ह्रद तंत्री रा तार।।३
छंद अडिल्ल
विमल देह वाणी ब्रह्माणी,
सादर आव अठै सुर राणी।
लय छंदों री करवा ल्हाणी,
वसौ कंठ मां वीणा पाणी।।१
धवल कमल धारण धणियांणी।
कविता कारण कंबुज पाणि।।
रसा !रसन आसन पर राजौ।
वीणा तार सितार बजाजौ। २
आनन पूनम चंद अनुपम।
करती आभा मन रो तम कम।
आई वाणी आभ कपाल़ी।
सिर पर पर बिंदी सेत निराल़ी। ३
आँखडियां काल़ी अणियाल़ी।
कृपा निझरण तौ करुणाली।
नरपत नित प्रत रहै निहाल़ी।
वंदन वाणी वीस भुजाल़ी।।४
नक बेसर नाकां नथ नामी।
भवा, भैरवी, स्वरा, भजामी।।
करण फूल कनकं कर धारण।
सदा आव मन तिमिर संहारण।।५
सेत पुष्प जुत सुंदर वाल़ी।
लटा वासुकी नागण भाल़ी।
बैठ लहरती वपु वड डाली।
धवल कांचल़ी धर कमलाल़ी।।६
हाटक हीरक हार हिया में।
फटिक रत्न फबता शुभ जा में।
हेम हांसली है मन हारी।
मणिमय जिणपर मीनाकारी।।७
कंठाभरण, कनक सुभ तन पर।
रसा!शारदा रूप मनोहर।।
मोती री लड सुंदर नामी।
गल़ धर तिमणियौ हंसगामी।।८
कर शुचि कंकण वलयाकारा।
रसा! दांत करि चूड शुभ धारा।
झणण झणण झण बीण बजंती।
तिरकिट तुम तत नाच करंती। ९
वरदा हाथ एक ले वेदा।
स्वरदा माल करा शुचि जयदा।
कमले शुभ्र कमल कर पाणि।
रीझ रीझ माता सुर राणी। १०
कटि किंकणि धुनि ह्वै कमनीयं।
रुण झुण रुण झुण रव रमणीयं।
अनहद नाद बजंत अपारा।
सुरसत रेलावै सुर धारा। ११
उत्तरीय शुभ धवल अंग धर।
कंचुकि धवला कमल मनोहर।
पद छम छम छम छम धुनि पायल,
रम झम ऱम झम रव रासायन।।१२
मन मराल पर बैठर माता।
आखर भाव दयौ अवदाता।।
चरण कमल, रो चाकर कीजो।
गिरा ग्यान, कविता गुण दीजौ।।१३
नरपत दान निपट नादानम्।
गिरा आप कीजौ गुणवानम्।
बालक अवगुण बगस भवानी।
जय जय जोगण जय जग राणी।।१४
स्वर दे !वरदे!लय दे सुमति।
जय दे!गय दे!हय दे!जयति।
जयति जयति जय वीणापाणी।
कृपा अहरनिश कर कल्यांणी।।१५
कलश छप्पय
जय शारद जगदंब, भैरवी, रसा, भारती।
कवि -कुल-कृपा कदंब, उतारूं, गिरा, आरती।
चंदन चर्चित भाल, व्याल सम केश मनोहर।
सिंदुर अर्चित गात, सुखद पंचम स्वर सुंदर।।
जगदंब अंब अनुनय जया, वरा! मरालं वाहिनी।
स्वर नाद छंद लय साम दे, "नरपत"ने वरदायिनी।।१
दोहा
चंदन चर्चित चारणी, सिंदुर अर्चित गात।
रसन कमल पर रास नित, रमों मांन नवरात।।१
जयति जयति जगदंबिका, सदा रहौ शिशु साथ।
बीस भुजी वरदायिनी, स्वरदायी साक्षात।।२
©नरपत वैतालिक
सरस्वती वंदना
दोहा
कमल तंतु रो कंचुऔ, विमल देह पर धार।
रसन कमल बैठ 'र रसा, रेलावौ रस धार।। १
कमल नयनि, आनन कमल, कमल देह विस्तार।
कमलासन हिय कमल बस, अंब करो उपकार।। २
मन रंग थल पर मावडी, किसलय कमल अपार।
आसन बैठ'र अंबिका, सुर री छेड सितार।। ३
नटी !रसन आसन रहौ, वसन सेत बस धार।
लय री ललिता! छेडजे, सुरमय पछै सितार।। । ४
पिंगल री पद पैजनी, कर धर डिंगल डाक।
रसन पटांगण रास रम, अनहद अंब अथाक।। ५
छंद हरिगीतिका/सारसी
शुभ स्वेत वसना, ललित रसना, दडिम -दसना, उज्जवला।
कलहंस करती, फरर फरती, तिमिर हरती, निर्मला।
सिर मुकुट सुंदर, हार गल वर, माल मनहर कर अति।
प्रिय पुस्तपाणि, वाक-वाणी, वीण पाणी, सरसती।। १
झल़ रूप जल़ हल़, तेज भल़ हल़, चंद्र निरमल़, शुभ स्वरा।
कमनीय कुंतल, स्वेत पाटल, चंप -डोलर मोगरा।
मुख मधुर हासी, भव्य भासी, रूप राशि, गुणवती।
प्रिय पुस्त पाणी, वाक वाणी, वीण पाणी, सरसती।। २
झण झांझ झणणण, तंत्री तणणण, खणणखणण, खंजरी।
भण भेरि भणणण, धरणि धणणण, छणण छणण, झांझरी।
रव गगन गणणण, हरत जन मन, बीण वृणणण, नित प्रति।
प्रिय पुस्त-पाणी, वाक-वाणी, वीणपाणी, सरसती।। ३
कटि किंकणि रुण झुण, वलय कंकण, खणण खण खण, हाथ रा।
रमझोल़ रम रम, नुपुर छम छम, घुंघरु घम घम, मात रा।
गजमत्त गामा, वंदना मां, हियै हामां, पद रति।
प्रिय पुस्त-पाणी, वाक-वाणी, वीणपाणी, सरसती।। ४
शुभ कान कुंडल, नाक नथ वल़, सेत निरमल, कांचल़ी।
जिण कोर ऊजल, हेम झल़ल़ल, भाल भल़ल़, बेंदुली।
चख नेह खल़ हल, वहै पल पल, मैल मन गल़, शुचिमति।
प्रिय पुस्त-पाणी, वाक-वाणी, वीणपाणी, सरसती।। ५
शुभकमल आसनि, रसन वासिनि, ह्रदय शासनि, रीझियो।
विपदा विनासन, हंस वाहन, साम गायन, दीजियो।
सुर साज रांणी, कवित क्हाणी, राज-राणी, अरपती।
प्रिय पुस्त-पाणी, वाक-वाणी, वीणपाणी, सरसती।। ६
वल़ विविध वातां, खरी ख्यातां, गीत गाथा, डींगल़ी।
शुभ रचण रासा, विविध भासा, रमों रासा, मन गल़ी।
त्रय ताप हारी, जाउं वारी, मात मारी, लधु मति।।
प्रिय पुस्त पाणी, वाक-वाणी, वीण पाणी, सरसती।। ७
हे कमल नैणी, मधुर वेैणी, ज्ञान देणी, शारदा।
शुभ उकति दाता, बुधि प्रदाता, गिरा माता, आरदा।
घन तिमिर गंजण, तूं प्रभंजण, करत वंदन"नरपति"।
प्रिय पुस्त पाणी, वाक-वाणी, वीण पाणी, सरसति।। ८
कलश छप्पय
विजया, नंदा, जया, शारदा श्यामा, भाषा।
विद्या, बाला, परा, धीषणा, रसना-वासा।
मेधा, दक्षा, क्षया, चारणी, कबरी, स्वाहा।
प्रभा, अपर्णा, उमा, केशी, गो, हे हंस वाहा।
गी, सिंदूर-तिलक प्रिया!, भवा!सांभवी, भैरवी।
नित नरपत भज नारायणी, वरदा!स्वरदा, यादवी।। १
दोहा
रसा !शारदा !भारती, गिरा वारिधि-ज्ञान।
मन तम घन मां मेटजै, नरपत शिशु नादान।। १
विमला थें वसू पर किया, मूरख नें विद्वान।
बाल़क नें पण बुध्धि दे, गिरा गुणों री खाण।। २
©नरपत वैतालिक
***
नाम,:स्व अजयदान लखदान जी रोहड़िया।
जन्म तारीख:अग्यात,
जन्म स्थल: ग्राम: मलावा, तहसील रेवदर, जिला सिरोही, राजस्थान।
माता:मीरां कँवर
पिता:लखदान जी जगतदान जी रोहड़िया।
शिक्षा: एम ए हिन्दी साहित्य, कच्छ की महाराओ लखपत जी ब्रज भाषा के अंतिम विद्यार्थीओं में से एक।
विभिन्न साहित्यक पत्र पत्रिकाओं में रचनाएँ, हिन्दी , ब्रज भाषा राजस्थानी डिंगल आदि में प्रकाशित। अपने जमाने के बेहतरीन डिंगल और ब्रज भाषा के कवि।
दोहा
किंकर सिर पर कमल कर, कर के विघ्न विदार।
करत स्तुति कर जोर कर, सुरसती कर स्वीकार।।१
छंद रेणंकी
निरमल नव इन्दु बदन विलसत भल, द्रग खंजन मृग मद दलितम्।
कुम कुम वर भाल बिन्दु कल भ्राजत, तन चंदन चरचित पुनितम्।
झल़कत अरू झल़ल़ झल़ल़ चल लोलक, लसत सु श्रवण ललाम परम्।
शारद कर प्रदत सुक्ति यह सुखकर, किंकर पर नित महर करम्।।१
दमकत सिर मुकुट दिव्य दिनकर सम, मन मोहिनि उर माल लसे।
लख लख रति रम्य रूप जेहि लाजत, तडित विनिन्दित तन विलसे।
तिन पर नित नवल विमल धवलांबर, विविध तरह अरू धरत वरं।
शारद कर प्रदत सुक्ति यह सुखकर, किंकर पर नित महर करम्।।२
सरसत जिहि स्फटिक माल लिय ललितम, तरुण अरुण कर कंज अतिम्।
बिलसत पुनि बीन कलित मन हुलसत, ग्रहित पुस्तकं गहन गतिम्।
जिन कर जस विशद वरद जग व्यापक, प्रणित अमित मति देत परम्।
शारद कर प्रदत सुक्ति यह सुखकर, किंकर पर नित महर करम्।।३
हरषित जिहि चढत हंस पर मनहर, बन निज जन मन महि विहरम्।
सदगति सुख सुमति देत संपति धृति, सुरत करत तिन काज सरम्।
नव नव अरु ज्ञान भरत उर निरमल, निविड अबुधि हर तम निकरम्।
शारद कर प्रदत सुक्ति यह सुखकर, किंकर पर नित महर करम्।।४
सुमिरत जिहि सरव जिनहि सुर -सैनप, सुर-गुरु, सुर-पति सहित शचिम्।
प्रसरित गुन करत रहत सुपुनित नित, श्रुति सु स्मृति अरु शाख शुचिम्।
धनपति पद कंज मंजु मन ध्यावत, धरत 'रू ध्यान त्रिशूल धरं।
शारद कर प्रदत सुक्ति यह सुखकर, किंकर पर नित महर करम्।।५
विनवत वसु अष्ट, वरिष्ठ विनायक, बिमल बिरद जिन जग विदितम् ।
दिनकर नित नमन करत हिमकर नत, धरमराज धर्मिष्ट युतम्।
पुनरपि सह सिद्धि रिद्धि हिलमिल जिन, पुनित चरन मँह आय परम्।
शारद कर प्रदत सुक्ति यह सुखकर, किंकर पर नित महर करम्।।६
अरचन मुनि अमित मुदित मन अनुदिन, षोडस करतम् विधि सहितम्।
पुनि पुनि ॠषियन मिलि पढत स्तवन तव, किन्नर विधाधर कलितम्।
सविनय हिम शुद्ध सिद्ध गण चारण, जयति जननी जय जय उचरम्।
शारद कर प्रदत सुक्ति यह सुखकर, किंकर पर नित महर करम्।।७
परसत नर असुर नाग पद पुहुकर, लहत परम पद सह ललितम्।
बालक नवयुवक वृध्ध ब्रह्मचारी, वानप्रस्थ गृहस्थ युतम्।
मांगत यहि" अजय" मात अनुग्रह कर, मम चित मति कृति कर मधुरम्।
शारद कर प्रदत सुक्ति यह सुखकर, किंकर पर नित महर करम्।।८
कलछप्पय
जय जय सरस्वती जननि, भीम भय भक्त विभंजन।
जय जय सरस्वती जननि, ह्रदय निज जन नित रंजन।
जय जय सरस्वती जननि, कलुष कलि कलह निकंदन।
जय जय सरस्वती जननि, असुर, सुर, नर, मुनि वंदन।
वर बाल ब्रह्मचारिणी विदित, मोद देन मंगल करन।
कर जौरि "अजय"विनवत सही, सुबुधि देहू अशरण शरण।।
~~कवि स्व . अजयदान जी लख दान जी रोहडिया मलावा, सिरोही
***
परिचय,
नाम-ज्ञानसिंह ठाकुर ,,प्रयास,,
पिता-श्री जगदीश प्रसाद ठाकुर
जन्मतिथि--०३-०२-१९६५
योग्यता--एम०ए०हिन्दी साहित्य
एवं समाज शास्त्र
पद-------व्याख्याता
कार्या०----शास० उ० मा०वि० सिंघनगढ़
निवास स्थान--गगरिया खम्हरिया
जिला-- कबीरधाम,
राज्य-- छत्तीसगढ़
** सरस्वती वंदना**
~~~~~~~~~~~~~~~~~~~~~~~
सरस्वती मइया ओ, पंइया परत हावन तोर।
हंस के सवारी मा आ जाबे।
छोटे छोटे लइका दाई, तोर सरन मा आये हन,
मांगत हव वरदान दाई, मोला बिसराबे झन।
पुजाआरती तोर नइ जानो,बिनती हावे करजोर।
सरस्वती मइया ओ, पंइया परत हावन तोर।
हंस के सवारी मा आ जाबे ---२
कमल मा तैय बिराजे,दाई मंगल करइया ओ। एक हाथ मा पुस्तक धरे, बीना के बजइया ओ
ज्ञान के देवइया मइया ,अरजी करंव तोर।
सरस्वती मइया ओ, पंइया परत हावन तोर।
हंस के सवारी मा आ जाबे।
छोटे बड़े सब झन, तोला गोहराथे ओ। जइसन तोर महिमा गाथे,वइसने फल पाथे ओ।
मोरो ज़िनगी मा भरदे , मइया ज्ञान के अंजोर।
सरस्वती मइया ओ , पंइया परत हावन तोर।
हंस के सवारी मा आ जाबे।
बीना बजावत आ जाबे।
हंस के सवारी मा आ जाबे।
रचनाकार
ज्ञानसिंह ठाकुर *प्रयास*
ग्राम-गगरिया खम्हरिया
विकास खंड -स/लोहारा
जिला-कबीरधाम(छ०ग०)
***
नाम- कुमारी गायत्री श्रीवास पिता - श्री नरोत्तम श्रीवास माता - श्रीमती लक्ष्मी श्रीवास जन्मतिथि - 08/04 /2002 व्यवसाय - 12वीं वाणिज्य गाँव/ शहर- सिंघनगढ , सहसपुर लोहारा, जिला - कबीरधाम
पिन कोड नंबर-491995 ( छ.ग. )
हे सरस्वती माता (लोक भजन)
~~~~~~~~~~~~~~~~~~~~
सात सुर के संग मोला ताल दे।
हे सरस्वती माता मोला ज्ञान दे।।
मोरो बिनती ला माता अब सुन ले।
बीना के बजइया मोला जान ले।।
ये जग ले मोला तँय उबार दे।
हे ज्ञान के देवइया माता शारदे।।
सात सुर के संग मोला ज्ञान दे।
हे सरस्वती माता.........
हंस के वाहिनी माता अम्बे भवानी तँय।
महूँ ला ज्ञान दे दे मैहर वाली रानी तँय।।
ये दुनिया ले माता मोला तार दे।
हे बुद्धि दाती मोला ज्ञान भण्डार दे।।
सात सुर के संग मोला ताल दे।
हे सरस्वती माता ........
आज माता सुनले बिनती मोर हे।
सुर के संग ताल देबे किरपा तोर हे।।
सब के झोली ज्ञान आशीष डार दे।
सत्य राह में चलँव सुख संसार दे।।
हे सरस्वती माता......
~~~~~~~~~~~~~~~~~~~~~
रचनाकारा:-
कु.गायत्री श्रीवास
गाँव - सिंघनगढ़,सहसपुर लोहारा
जिला-कबीरधाम (छ.ग.)
मो.7722821897
***
' xlink:href='%23b'/%3e%3cuse fill='black' filter='url(%23c)' xlink:href='%23b'/%3e%3cpath fill='white' d='M12.162 7.338c.176.123.338.245.338.674 0 .43-.229.604-.474.725a.73.73 0 01.089.546c-.077.344-.392.611-.672.69.121.194.159.385.015.62-.185.295-.346.407-1.058.407H7.5c-.988 0-1.5-.546-1.5-1V7.665c0-1.23 1.467-2.275 1.467-3.13L7.361 3.47c-.005-.065.008-.224.058-.27.08-.079.301-.2.635-.2.218 0 .363.041.534.123.581.277.732.978.732 1.542 0 .271-.414 1.083-.47 1.364 0 0 .867-.192 1.879-.199 1.061-.006 1.749.19 1.749.842 0 .261-.219.523-.316.666zM3.6 7h.8a.6.6 0 01.6.6v3.8a.6.6 0 01-.6.6h-.8a.6.6 0 01-.6-.6V7.6a.6.6 0 01.6-.6z'/%3e%3c/g%3e%3c/svg%3e){kind=small}