कुल पेज दृश्य

बुधवार, 29 मार्च 2017

bhojpuri geet

अवधी भाषा में 
मतदाता जागरूकता गीत 
इंजी० अम्बरीष श्रीवास्तव 'अम्बर'
*
चलौ हो वोट डारी सबते पहिले...
चुनावी तेउहारी सबते पहिले
चलौ हो वोट डारी सबते पहिले...
सबते पहिले हो सबते पहिले.....२
चलौ हो वोट डारी सबते पहिले...
भोर हुइ गवा अब ना सोएव जल्दी तेने जागेउ
दुइ लोटिया देहीं पर डारेउ सबका लै के भागेउ
यज्ञ यहौ है सुनि लेउ भैया सब जन यहिमा लागेउ
सोंचि समझि मतदान करेउ तुम मदद न कउनौ मागेउ
करौ हो तइयारी सबते पहिले
चलौ हो वोट डारी सबते पहिले…
पासइ मा मतदान हुइ रहा पैयाँ-पैयाँ जायेउ
बूढ़ेन वा विकलांग जनेन का संघै लै के आयेउ
लालच मैंहा जो कोइ फाँसै वहि ते बचेउ बचायेउ
जेहिका वोट दिहेउ तुम भाइनि वहिका रहेउ छिपायेउ
यहै है होसियारी सबते पहिले...
चलौ हो वोट डारी सबते पहिले…
बुद्धा कहिहैं मॅंगरे हुइहैं सगरे मॅंगिहैं वोटउ
सुनेउ सुनायेउ सबकी 'अम्बर' दिहेउ न वोटउ खोटउ
ऐसइ -वैसइ ठाढ़ लड़ि रहे कोऊ पार न पावै
वोट दिहेउ तुम वहिका भौजी जो तुमरे मन भावै
बचायेउ फुलवारी सबते पहिले
चलौ हो वोट डारी सबते पहिले…
सबते पहिले हो सबते पहिले.....२
चलौ हो वोट डारी सबते पहिले…
*
संपर्क : 09415047020, 05862-244440
९१, आगा कालोनी सिविल लाइन्स सीतापुर उत्तर प्रदेश २६१००१

कोई टिप्पणी नहीं: